०६ मंसिर, काठमाडौं । क्यानडाका पूर्व कप्तान साद विन जाफर सिद्धार्थ बैंक नेपाल प्रिमियर लिग(एनपिएल) मा अनुबन्धित भएका छन् ।

लुम्बिनी लायन्सले पाँचौ विदेशी खेलाडीका रुपमा जाफरलाई अनुबन्ध गराएको आज सामाजिक संजाल मार्फत जानकारी दिएको हो । यसअघि लुम्बिनीले इङ्ग्ल्याण्डका टम मुर्स, अस्ट्रेलियाका बेन कटिङ, अमेरिकाका उन्मुक्त चन्द र वेस्ट इण्डिजका रामोन सिम्नोड्सलाई टोलीमा अनुबन्ध गरेको थियो । ३८ वर्षिया अलराउण्डर जाफरले ५५ विकेट तथा ३ सय ९० रन बनाएका छन् ।

नेपाल क्रिकेट संघ (क्यान) को आयोजनामा हुने पहिलो संस्करणको सिद्धार्थ बैंक एनपिएल मंसिर १५ देखि पुस ६ गतेसम्म चल्नेछ । मंसिर १९ गते बुधवार लुम्बिनीले लिगको पहिलो खेलमा विराटनगर किङ्सको सामना गर्नेछ ।