०६ मंसिर, काठमाडौं । दैलेखमा बोक्सोको आरोपमा एक पुरुषको हत्या भएको छ ।

जिल्लाको दुल्लू नगरपालिका-१३ मालिकामा ‘बोक्सो’ को आरोप लगाउँदै ५६ वर्षीय कर्णबहादुर कामीको हत्या गरिएको हो । भाइ नाता पर्ने ४३ वर्षीय भुवनसिंह विकले हिजो साँझ कर्णबहादुरको घरमै पुगेर हँसिया प्रहार गरेको प्रहरीले जनाएको छ । भुवनसिंहले आफूलाई ‘बोक्सी मन्त्र लगाएर बिरामी पारेको’ भन्दै आक्रोशमा आएर कर्णबहादुरको हत्या गरेको प्रहरीको प्रारम्भिक अनुसन्धानले देखाएको छ । घटनापछि भुवनसिंहलाई पक्राउ गरिएको र घटनाबारे थप अनुसन्धान भइरहेको छ ।