७ मंसिर, काठमाडौं ।  पूर्वराजा ज्ञानेन्द्र शाह आज लुम्बिनी थाइजेन्ड बुद्ध विहारमा चलिरहेको पूजा सरिक हुन लुम्बिनी जाने भएका छन् ।

मङ्सिर ४ गतेबाट उक्त विहारमा विश्व शान्तिको कामना र विहारमा स्थापना गरिएका १ हजार बुद्ध मूर्तिको प्राण प्रतिष्ठान पूजा चलिरहेको छ ।

आज उक्त विहारको उद्घाटन सङ्घीय सांसद बाबुदेव घिमिरे, लुम्बिनी विकास कोषका उपाध्यक्ष डाक्टर ल्यारल्केल लामा र  उक्त विहार प्रमुख  छोक्याइ निमा रिम्पुन्छे गर्ने जनाएको छ।

उद्घाटन भएपछि पुर्पुरा पूजामा सरिक हुन पूर्व राजा लुम्बिनी जाने भएका हुन् ।  शाह पूजा सकेर आज नै काठमाडौँ फर्कने योजनामा रहेको बताइएको छ।