७ मंसिर, काठमाडौं ।  वीरगन्जबाट पोखरा जाँदै गरेको यात्रुबाहक बस मकवानपुरको चुरीयामाई मन्दिरनजिक दुर्घटना हुँदा १७ जना यात्रु घाइते भएका छन् ।

घाइतेमध्ये एकजनाको अवस्था गम्भीर रहेको मकवान प्रहरीले जनाएको छ । अन्य घाइते २ जनाको अवस्था सामान्य र १४ जनाको मध्यम रहेको छ। घाइतेहरुको हेटौडा अस्पतालमा उपचार भइरहेको छ ।

मकवानपुरको हेटौंडा उपमहानगरपालिकामा पर्ने चुरीयामाई मन्दिर नजिकै ग २ ख १६२१ नम्बरको बस शुक्रबार बिहान ९ः२० बजे ब्रेक फेल भई सडक छेउ खोलाको डिलमा पल्टिएको हो ।