०७ मंसिर, काठमाडौं । काठमाडौं र उदयपुरमा ३ जना मृत भेटिएका छन् ।

काठमाडौंको दक्षिणकाली नगरपालिका-१, चाल्नाखेल कुश्‍लेगाउँका २५ वर्षीय सञ्जीव कुमार कटवाल आफ्नै घरमा आज मृत फेला परेका हुन् । त्यस्तै काठमाडौं महानगरपालिका-१३ कालिमाटी शालिकचोकस्थित सडक पेटीमा उदयपुर कटारी नगरपालिका-९, लिमकटार घर भएकी ४२ वर्षीया जानुका सुर्खेती मृत भेटिएकी थिइन ।

त्यसैगरी सुनसरीको बराहक्षेत्र नगरपालिका-१, बराहक्षेत्रस्थित कोशी नदीको भंगालोमा पहिचान  नखुलेका करिब ३५ वर्षीय पुरुष मृत अवस्थामा फेला परेका छन् । घटनाबारे अनुसन्धान भइरहेको प्रहरीले जनाएको छ।