८ मंसिर, काठमाडौं ।   पाकिस्तान ब्लाइन्ड क्रिकेट काउन्सिल (पीबीसीसी) को आयोजनामा आजदेखि ब्लाइन्ड क्रिकेट टी-२० विश्वकप सुरु हुँदैछ ।

चौथो ब्लाइन्ड क्रिकेट आजदेखि डिसेम्बर ३ सम्म लाहोर र मुल्तानमा हुने छ । ब्लाइन्ड विश्वकपमा आयोजक पाकिस्तानसहित दक्षिण अफ्रिका, श्रीलंका, बंगलादेश, नेपाल र अफगानिस्तानले सहभागिता जनाउनेछन् । सहभागि ६ टोलीबीच राउण्ड रोविनका आधारमा खेल हुनेछन् । लिग चरणमा शीर्ष चारमा रहने टोली सेमिफाइनल प्रवेश गर्नेछन् ।

ब्लाइन्ड क्रिकेट टी-२० विश्वकपको उद्घाटन खेलमा आज घरेलु टोली पाकिस्तान र दक्षिण अफ्रिकाबीच प्रतिस्पर्धा हुनेछ । खेल  घाद्दी इन्स्टिट्युट अफ क्रिकेट लाहोरमा हुनेछ ।

यस्तै नेपालले आफ्नो पहिलो खेलमा आज श्रीलंकासँग प्रतिस्पर्धा गर्नेछन । यस खेल पनि लाहोरस्थित साइद स्पोर्ट्स सिटी बेदिएनन रोडमा हुनेछ ।