०९ मंसिर, काठमाडौं । बाजुरामा रुख काट्ने क्रममा रुखले किचेर १ जनाको मृत्यु भएको छ भने २ जना घाइते भएका छन् ।

जिल्लाको हिमाली गाउँपालिका वडा नम्बर ३ को युनाको खडखडा भन्ने ठाउँमा बिजुलीको पोल र तार तान्नको लागि रुख काट्ने क्रममा रुख लागेर १ जनाको घटनास्थलमै मृत्यु भएको हो । मृत्यु हुनेमा हिमाली गा.पा. वडा नं ३ युना बस्ने सुबधन बुढा रहेका छन् । त्यस्तै घाइते हुनेमा सोही गाउँका पर्मलाल सुनार र सिद्दपुरी रोकाया रहेका छन् । घाईतेहरुको उपचारका लागी अहिलेसम्म कुनै पनि पहल भएको छैन भने घटनास्थलमा अहिलेसम्म स्वास्थ्यकर्मी पनि नपुग्दा घाइतेहरुको अवस्था झन गम्भीर बन्दै गइरहेको छ । उद्दारकालागि अहिलेसम्म हेलिकप्टरको पनि व्यवस्था गर्न सकिएको छैन ।