११ मंसिर, काठमाडौं ।  टर्कीको उत्तरी प्रान्त ओर्डुमा भारी हिमपात हुँदा चारजना बेपत्ता भएका छन् ।

सोमबार देशका धेरैजसो भूभागमा भारी हिमपात भएको छ । चार व्यक्ति मेसुदिए जिल्लामा फसेका थिए ।उक्त समूह शनिबार सिकारका निम्ति टोपक्याम क्षेत्रमा गएको थियो ।

आफ्नो परिवारलाई समूहले मस्जिदमा आश्रय लिएको र तुरुन्तै सहयोगको अनुरोध गरेको थियो । तर, भीषण हावाहुरीका कारण उद्धार टोली उक्त क्षेत्रमा पुग्न सकेको छैन ।