११ मंसिर, काठमाडौं ।   लाल सागरमा पर्यटकहरू सवार डुंगा डुब्दा १६ जना बेपत्ता  भएका छन् भने अन्य २८ जनाको भने उद्धार गरिएको छ ।

हराइरहेको मध्ये २ जना बेलायती नागरिक रहेको बताइएको छ । यस घटनामा आफ्ना एक पर्यटक हराएको फिनल्यान्डले पनि पुष्टि गरेको छ । त्यस्तै चार इजिप्शियन नागरिक बेपत्ता रहेको अधिकारीहरूले भनेका छन् ।

डुंगामा ४४ जना सवार थिए । यसमध्ये १३ जना क्रु मेम्बर थिए । दुर्घटनाको कारण थाहा हुन सकेको छैन । छालले डुंगालाई हिर्काउँदा यो पल्टिएको हुन सक्ने उद्धार गरिएका यात्रीले बताएका छन् ।