११ मंसिर, काठमाडौं । कपिलबस्तुको मायादेवी गाउँपालिका वडा नम्बर-६ डुमराबाट हतियारसहित एक जना पक्राउ परेका छन् ।

पक्राउ पर्नेमा सोही वडाका २१ वर्षीय सद्दाम हुसेन फकिर रहेको प्रहरीले जनाएको छ । फकिरले मोटरसाइकल चोरी गर्न लागेको गोप्य सूचना प्राप्त हुनासाथ इलाका प्रहरी कार्यालयबाट खटिएको प्रहरी टोलीले उनलाई पक्राउ गरेको हो । खान तलास गर्दा उनको शरीरमा बाँधेर राखिएको अवस्थामा एक थान पेस्तोल बरामद भएको थियो । पक्राउ परेका फकिरको साथमा कालो रंगको ४।५ मिली मिटर क्यालिवरको डेन्जर ट्यए एयर पेस्तोल १ थान, सोही पेस्तोलमा लाग्ने छर्रा ४३ थान, सोही पेस्तोलमा प्रयोग हुने धमाका ६ थान बरामद गरिएको जिल्ला प्रहरी कार्यालयले जनाएको छ ।