१२ मंसिर, काठमाडौं । साताको कारोबारको चौथो दिन आज स्थानीय बजारमा सुनचाँदीको मूल्य फेरि उकालो लागेको छ ।

दुईदिन निरन्तर ओरालो लागेको सुन आज फेरि बढेको हो।नेपालसुन चाँदी व्यवसायी महासंघका अनुसार आज छापावाला सुन तोलामा ९ सय रुपैयाँले बढेको हो ।

जस अनुसार आज छापावाला सुन नेपाली बजारमा  प्रतितोला १ लाख ४९ हजार ६०० रुपैयाँमा कारोबार भइरहेको छ । यता आज चाँदीको मूल्य पनि तोलामा १० रुपैयाँले बढेर प्रतितोला १ हजार ८३० रुपैयाँमा कारोबार भइरहेको महासंघले जनाएको छ।