१२ मंसिर, काठमाडौं ।   मकवानपुरको भिमफेदी गाउँपालिका-२ भैंसे चेकप्वाईन्टबाट अवैध लागूऔषध गाँजा १ सय ६० किलोग्रामसहित १ जन पक्राउ परेका छन् ।

पक्राउ पर्नेमा  गोरखा घर भएका २८ वर्षीय अमिर मिया रहेका छन् । मियालाई  बुधबार बिहान प्रहरीले पक्राउ गरेको हो ।

प्रहरी चौकी भैंसेबाट खटिएको प्रहरीले पालुङबाट हेटौंडातर्फ जाँदै गरेको प्र.३-०-०२३ च ८०४७ नम्बरको बोलेरो गाडीलाई जाँच गर्ने क्रममा गाडीमा लुकाई छिपाई ल्याएको उक्त परिमाणको गाँजा फेला पारी बोलेरो चालक अमिरलाई पक्राउ गरेको हो ।