१३ मंसिर, काठमाडौं । नेपाली कांग्रेसका महामन्त्री गगन थापाले नयाँ भनेर आएको दलको टाउँकोमै समस्या रहेको टिप्पणी गरेका छन् ।

कीर्तिपुरमा आयोजित चुनावी सभालाई सम्बोधनका क्रममा राष्ट्रिय स्वतन्त्र पार्टीका सभापति रवि लामिछानेलाई लक्षित गर्दै यस्तो टिप्पणी गरेका छन् । उनले भने, ‘मेरै पार्टीभित्र समस्या छ, एमाले र माओवादीमा समस्या छ । समस्या सबै दलहरुभित्र छ । नयाँ भनेर आएको दलको त झन माथि टाउकोमै समस्या रहेछ । जताततै छ । त्यसैले हामीले पहिला आफ्नो घरभित्रको फोहोर सफा गर्नुछ ।’

उनले माओवादीले काम न काजले १० वर्ष बन्दुक बोकेर देशको दश वर्ष खेर फ्याँलेको टिप्पणी गरे ।