१४ मंसिर, काठमाडौं । रामेछापको गोकुलगंगा गाउँपालिकाकाे फर्पुमा यात्रुबाहक टाटा सुमो दुर्घटना हुँदा ५ जनाको मृत्यु भएको छ ।

काठमाडौंबाट रामेछापको गोकुलगंगा गाउँपालिकाको बेताली जाँदै गरेको टाटा सुमो फर्पुमा पल्टिएको हो । दुर्घटनामा गोकुलगंगा गाउँपालिका-४ का वडाअध्यक्ष रामचन्द्र बस्नेतसहित ५ जनाको ज्यान गएको खबर आएको छ । ३ जना भने गम्भीर घाइते भएका छन् । आठ जना सवार सो सुमोमा २ जना पुरुष, २ महिला, एक बच्चा रहेका थिए । घाइतेहरुको उपचारका लागि मन्थली स्थित तामाकोशी अस्पतालमा पठाइएको रामेछाप प्रहरीले जनाएको छ ।