१४ मंसिर, काठमाडौं । स्थानीय तह उपनिर्वाचनको मत परिणाम आफ्नो वेबसाइटमार्फत हेर्न सकिने निर्वाचन आयोगले जनाएको छ ।

सहसचिव एवम् प्रवक्ता नीता पोखरेल अर्यालले मतगणनाको परिणाम वेबसाइटबाटै हेर्न मिल्ने बनाइने बताएका हुन् । मतगणना परिणामबारे निर्वाचनका सबै सरोकारवालाहरूको सहज पहुँच तथा जानकारीका लागि आयोगको वेबसाइटबाट हेर्न सकिने गरी व्यवस्था मिलाइएको उनको भनाई छ । उपनिर्वाचनको मतदान बिहान ७ः०० बजेदेखि बेलुका ५ः०० बजेसम्म तोकिएको मतदान केन्द्रमा हुने कार्यक्रम रहेको छ । मङ्सिर १६ गते आइतबारका दिन उपनिर्वाचन हुँदैछ ।