१६ मंसिर, काठमाडौं । नेपाल टेलिकमले मंसिर १५ गतेदेखि सुरू भएको नेपाल प्रिमियर लिग (एनपिएल) लाई मध्यनजर गर्दै ‘एनटी क्रिकेट धमाका प्याक’सार्वजनिक गरेको छ ।

यस योजना अन्तर्गत प्रिपेड तथा पोष्टपेड मोबाइल प्रयोगकर्ताका लागि ६९९ रूपैयाँमा ३०० जिबी डेटा उपलब्ध हुनेछ। जसमा प्रतिदिन १० जिबी डेटा प्रयोग गर्न सकिने र १० जिबीको लिमिट पूरा भए बाँकी समय ३ एमबिपिएस गतिमा अनलिमिटेड डेटा प्रयोग गर्न सकिनेछ ।

यसैगरी ४९९ रूपैयाँमा प्रतिदिन ५ जिबीका दरले १५० जिबी डेटा उपलब्ध हुनेछ, जसमा ५ जिबीको लिमिट पूरा भए बाँकी समय २ एमबिपिएस गतिमा अनलिमिटेड डेटा प्रयोग गर्न सकिनेछ।

उक्त अफर मंसिर १४ गतेदेखि आगामी पुस ६ गतेसम्म लागू हुनेछ। *१४१५* ११#डायल गरेर वा नेपाल टेलिकमको मोबाइल एपमार्फत खरिद गर्न सकिने छ ।