१६ मंसिर, काठमाडौं ।  कञ्चनपुरमा श्रीमतीको हत्या गरेको आरोपमा १ जना पक्राउ परेका छन् ।

पक्राउ पर्नेमा  भीमदत्त नगरपालिका– ८ तिलाचौरका नेपाल प्रहरीका पूर्व असई  नरेन्द्र विष्ट रहेका छन् । विष्टले शनिबार राति ८ बजे आफ्नी ३० वर्षीया श्रीमती ज्योतिमाथि हँसियाले प्रहार गर्दा मृत्यु भएको हो ।

घटनाबारे आफन्तले थाहा पाएपछि प्रहरीलाई खबर गरेका थिए। प्रहरीले गएराति नै नरेन्द्रलाई पक्राउ गरेको थियो।उनीहरूबीच घरायसी विवाद भइरहने गएराति पनि विवाद हुँदा हत्या भएको प्रहरीको प्रारम्भिक अनुसन्धानमा देखिएको छ।