१७ मंसिर, काठमाडौं । साताको कारोबारको दोस्रो दिन आज (सोमबार) पनि सुनचाँदीको मूल्य घटेको छ ।

नेपाल सुनचाँदी व्यवसायी महासंघका अनुसार आइतबार प्रतितोला चार सय रूपैयाँ घटेको सुनको मूल्य आज तोलामा १ हजार दुई सय रूपैयाँले घटेको हो ।

आज छापावाल सुन प्रतितोला १ लाख ४९ हजार तीन सय रूपैयाँमा कारोबार भइरहेको छ । यता चाँदी आज तोलामा २५ रूपैयाँले घटेर प्रतितोला १ हजार ८ सय १५ रूपैयाँमा कारोबार भइरहेको छ ।