४ पुस, काठमाडौं ।  सुर्खेतमा घरभित्र निसासिएर बिहीबार दुई जनाको मृत्यु भएको छ। वीरेन्द्रनगर-४ भैरवस्थानको समावेशी टोलमा घरभित्र सुतिरहेका आमाछोराको मृत्यु भएको सुर्खेत प्रहरीले जानकारी दिएको छ।

सुर्खेत प्रहरीका अनुसार ३० वर्षीया देवीसरा थापा र उनका ६ वर्षीय छोरा रियान थापाको घरमा निस्सासिएर ज्यान गुमेको हो। देवीसराका ९ वर्षीया छोरी रिया थापा पनि गम्भीर अवस्थामा उपचार गराइरहेकी छन्।

बुधबार राति खाना खाएर सुतेका आमा र छोराछोरी बिहान अबेरसम्म घरबाट ननिस्किएपछि स्थानीयले खबर गरेको प्रहरीले जानकारी दिएको छ।

घरभित्र कोइला बालेको र धुवाँमा निसासिएको प्रारम्भिक अनुसन्धानमा खुलेको पनि प्रहरीले जानकारी दिएको छ।