०६ पुष, काठमाडौं । नेपाल प्रिमियर लिग (एनपीएल) को उपाधि विजेता जनकपुर बोल्ट्सलाई प्रधानमन्त्री केपी शर्मा ओलीले बधाई दिएका छन् ।

आज सामाजिक सञ्जालमा मार्फत बधाई दिँदै फाइनल खेलसँगै नेपाली क्रिकेटको महापर्व सकिएको बताएका हुन । जनकपुरलाई बधाई दिँदै उनले लेखेका छन्, ‘बधाई जनकपुर बोल्ट्स, एनपीएल उपाधि हात पारेकोमा । आजको खेलमा सुदूरपश्चिम रोयल्सको पनि राम्रो प्रदर्शन थियो । यससँगै नेपाली क्रिकेटको महापर्व आज सम्पन्न भएको छ । एनपीएलमा सहभागी सबै टिम र आयोजक तथा व्यवस्थापक सबैलाई धन्यवाद। फेरि पनि बधाई जनकपुर बोल्ट्स ।’