०६ पौष,काठमाडौं । सुदूरपश्चिम रोयल्सका कप्तान दीपेन्द्रसिंह ऐरीले खेलमा हारजित हुने भन्दै अर्को पटक राम्रो गर्ने बताएका छन् ।

नेपाल प्रिमियर लिग एनपिएलमा उत्कृष्ट प्रदर्शन गरेर ‘इलेक्ट्रिकफाइिङ प्लेयर अफ द टुर्नामेन्ट’ अवार्ड पाएका उनले यस्तो प्रतिक्रिया दिएका हुन् । उनले नेपाली बजारमा ६२ लाख रूपैयाँ मूल्य पर्ने ओमोडा इ फाइभ डीएलक्स कार पाएपनि सुदूरपश्चिमले एनपिएलको उपाधि भने गुमाएको छ । त्यसपछि प्रतिक्रिया दिने क्रममा ऐरीले खेलमा हारजित हुने र त्यसलाई स्वीकार्नुपर्ने बताए ।