७ पुस, काठमाडौं । नाइजेरियाको राजधानी अबुजाको मैतामा जिल्लामा रहेको एक चर्चमा राहत सामग्री वितरणका क्रममा भएको भागदौडे हुँदा चार बालबालिकासहित कम्तीमा १० जनाको मृत्यु भएको छ ।

क्रिसमसको पूर्वसन्ध्यामा खाना र कपडाजस्ता राहत सामग्री वितरणको क्रममा शनिबार होली ट्रिनिटी क्याथोलिक चर्चमा यो घटना भएको हो। उक्त घटनामा आठ जना घाइते भएका छन् ।

घाइतेमध्ये चार जनालाई उपचार गरी घर पठाइएको छ भने बाँकी घाइतेहरूको उपचार भइरहेको छ ।  यस कार्यक्रममा वरपरका गाउँ र न्यून आय भएका उपनगरहरूबाट तीन हजारभन्दा बढी मानिस सहभागी भएका थिए।