७ पौष, काठमाडौं । बाराको सिमरा विमानस्थलमा कार्यरत एक जना प्रहरीको हत्या गरेको अवस्थामा शव फेला परेको छ ।

शनिबार बिहान जीतपुरसिमरा उपमहानगरपालिका वडा नम्बर ११ दुधौरा खोला पुलनजिक बागमती प्रदेश ०१-०२८ च ७६१६ नम्बरकोकारभित्र राजकुमार रूम्बाको शव फेला परेको हो ।

उनी सिमरा विमानस्थलमा सुरक्षा गार्डको रूपमा कार्यरत थिए। उनको हत्यामा प्रहरीले कुनै क्लु फेला पारेको छैन। मृतक रूम्बाको टाउकोमा चोट लागेको छ।

तर केले प्रहार गरेको भन्ने खुलेको छैन।गोली प्रहार गरेको भनिए पनि पोष्टमर्टमको रिपोर्टबाट मात्रै मृत्युको कारण खुल्ने प्रहरीले जनाएको छ।