०७ पौष, काठमाडौं । राष्ट्रिय प्रजातन्त्र पार्टी (राप्रपा) को अन्तर्राष्ट्रिय सम्बन्ध विभागमा सदस्य सचिव र सदस्यहरू मनोनीत गरिएको छ ।

अध्यक्ष राजेन्द्र लिङ्देन अन्तर्राष्ट्रिय सम्बन्ध विभाग प्रमुख छन । अध्यक्ष लिङ्देनले विभागको सदस्य सचिवमा सुनसरीका सुरेश आचार्य र सदस्यहरूमा स्याङ्जाका हिक्मतजंग कार्की र रूपन्देहीकी स्वाती थापालाई मनोनीत गरेको प्रवक्ता मोहन श्रेष्ठले जानकारी दिए । विभागका सदस्य सचिव र सदस्यहरू पार्टीको केन्द्रीय सदस्य हुन ।