१२ पौष, काठमाडौं । मेसेजिङ एप ह्वाट्सएपमा डकुमेन्ट स्क्यान गर्ने फिचर आएको छ ।

ह्वाट्सएपको नयाँ भर्सन २४.२५.८० मा डकुमेन्ट स्क्यान गर्ने फिचर आएको हो । कम्पनीले पहिलो चरणमा यो फिचर आईओएस प्रयोगकर्तालाई उपलब्ध गराएको छ ।

यसले गर्दा अब प्रयोगकर्ताले छुट्टै एप इन्स्टल गरेर त्यसबाट डकुमेन्ट स्क्यान गरी ह्वाट्सएपमार्फत पठाइरहनु पर्दैन ।

ह्वाट्सएपकै क्यामेरा अप्सन प्रयोग गरी डकुमेन्ट स्क्यान गर्न सकिन्छ भने त्यसलाई चाहेको अकाउन्टमा पठाउन सकिन्छ । एन्ड्रोइड प्रयोगकर्ताले पनि चाँडै नै यो सुविधा उपलब्ध हुने अनुमान गरिएको छ ।