१४ पुस, काठमाडौं । लुक्लाबाट काठमाडौं आउँदै गरेको हेलिकप्टरमा चरा ठोक्किएपछि खेतमै आकस्मिक अवतरण गरिएको छ ।

आइतबार बिहान सवा १० बजे हेलि एभेरेष्टको ९ एन–एकेजी हेलिकप्टर लुक्लाबाट काठमाडौं आउँदै थियो । ११ बजेर २ मिनेट जाँदा नलिन्चोक भन्दा एक माइल पूर्व आकासमा चरा हेलिकप्टरमा ठोक्किएको थियो ।

चरा ठोक्किएपछि पाइलटले बनेपास्थित एक खेतमा हेलिकप्टरलाई आकस्मिक अवतरण गरेका हुन् ।  हेलिकप्टरमा विदेशी पाइलट र पाँच जना यात्रु थिए।