१४ पौष, काठमाडौं । लुक्लाबाट काठमाडौंका लागि उडेको हेलिकप्टरमा चरा ठोक्किएपछि साँगामा आकस्मिक ल्याण्ड गरेको हेलिकप्टरका यात्रु गाडी चढेर काठमाडौं आउँदैछन् ।

नेपाल नागरिक उडड्न प्राधिकरणका सूचना अधिकरी ज्ञानेन्द्र भुलले हेलिकप्टरका ५ जना यात्रु गाडी चढेर काठमाडौं आएको जानकारी दिए । हेलिकप्टर भने प्राविधिक परिक्षणपछि मात्रै काठमाडौं आउने भएको छ ।

हेलि एभरेष्टको ९ एन-एकेजी हेलिकप्टरमा आज चरा ठोकिएको थियो । हेलिकप्टरमा चरा ठोकिए पनि मानविय क्षति भएको छैन । ११ बजे लुक्लाबाट उडेको हेलिकप्टर काठमाडौं आउने क्रममा चरा ठोकिएपछि साँगामा आकास्मिक अवतरण भएको थियो । हेलिकप्टरमा ५ जना अमेरिकी नागरिक र एक चालकसहित ६ जना सवार थिए ।