१७ पुस, काठमाडौं । मंसिर महिनामा मात्रै वैदेशिक रोजगारका लागि ८४ हजार दुई सय २६ जना युवाले श्रम स्वीकृति लिएका छन् । 

वैदेशिक रोजगार विभागको तथ्यांक अनुसार श्रम स्वीकृति लिनेमा ७५ हजार पाँच सयभन्दा धेरै पुरूष र आठ हजार ६ सयभन्दा धेरै महिला छन् । सबैभन्दा धेरै संयुक्त अरब इमिरेट्स युएईका लागि सबैभन्दा धेरै युवाले श्रम स्वीकृति लिएका छन् ।

युएईका लागि २४ हजारभन्दा धेरैले श्रम स्वीकृति लिएका छन् । त्यसपछि साउदीका लागि १८ हजार, कतारका लागि १४ हजारभन्दा धेरै युवाले श्रम स्वीकृति लिएका छन् । मलेसियाका लागि चार हजार बढीले श्रम स्वीकृति लिएका छन् ।