१८ पौष, काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले वर्तमान गठबन्धन सरकारको आयु धेरै लामो नभएको ब्रिफिङ गरेका छन् ।

आज केन्द्रीय कार्यालय पेसिसडाँडामा बसेको स्थायी समिति बैठकमा यस्तो ब्रिफिङ गरेका हुन । केपी ओली सरकारको आयु धेरै नभएको भन्दै वर्तमान सरकार अन्तर्राष्ट्रियमा पनि अनुदार देखिएको टिप्पणी गरे । प्रचण्डले अगाडि भने, ‘राष्ट्रिय समस्या समस्या समाधान गर्न समेत ओली सरकार पूर्ण असफल देखियो । जनताको सरकार नभई भ्रष्टाचारी, बिचौलिया, माफियाको सरकार बनेकाले अलोकप्रिय बन्दै गएको छ । एमालेभित्र र कांग्रेसभित्र चुलिएको असन्तुष्टिका कारण पनि अब ओली सरकार धेरै पर जाँदैन । यस्तो अवस्थामा हामी सरकारमा जाँदैनौँ । अभियान लिएर जनताको बिचमा जान्छौँ ।’