१९ पौष, काठमाडौं । नेपाली कांग्रेसका महामन्त्री विश्वप्रकाश शर्माले पूर्वराष्ट्रपति विद्यादेवी भण्डारीलाई राजनीतिमा भन्दा सामाजिक रुपान्तरणको नायक बन्न सुझाव दिएका छन् ।

नेकपा एमालेमा पुनरागमनको चर्चा चलिरहँदा महामन्त्री शर्माले भण्डारीलाई राजनीतिमा नफर्कन सुझाव दिएका हुन् । आज राजधानीमा भएको नेकपा एमालेका वरिष्ठ उपाध्यक्ष ईश्वर पोखरेलकृत संस्मरण संग्रह ‘आमा, सपना र ताराहरु’ लोकार्पण कार्यक्रममा उनले राजनीतिमा आएर कुनै एक दलको नेता मात्र बन्ने अवसर पनि रहेको र सामाजिक रुपान्तरणको नायक बनेर सबैको नेता बन्ने सुविधा पनि पूर्वराष्ट्रपतिहरूमा रहेको बताए ।