१९ पौष, काठमाडौं । नेपाली कांग्रेसका नेता प्रकाशमान सिंहले कांग्रेसको सङ्गठन सुदृढीकरणमा लाग्न नेता कार्यकर्तालाई आग्रह गरेका छन् ।

आज कांग्रेस जिल्ला कार्यसमिति सप्तरीले आयोजना गरेको कार्यकर्ता भेटघाट तथा अन्तरक्रिया कार्यक्रममा बोल्दै उपप्रधानमन्त्री सिंहले पार्टी सङ्गठन महत्त्वपूर्ण हुने बताएका हुन । सङ्घीय लोकतान्त्रिक गणतन्त्रात्मक व्यवस्था बलियो बनाउन नेपाली कांग्रेसलाई बलियो बनाउनुपर्नेमा उनको जोड छ । ठुलो संघर्ष र बलिदानबाट अहिलेको लोकतान्त्रिक व्यवस्था प्राप्त भएको भन्दै उनले यसलाई बलियो बनाउन कांग्रेस बलियो हुनुपर्नेमा बताए । कांग्रेसकै नेतृत्वमा भएको आन्दोलनले रैतीका रूपमा रहेका जनतालाई नागरिक बनाएको स्मरण गर्दै उनले संविधानसभाबाट कांग्रेस नेतृत्वमै संविधान बनेको बताए ।

सोही क्रममा उपप्रधानमन्त्री एवम शहरी विकास मन्त्री समेत रहेका सिंहले आवश्यकताको सिद्धान्तअनुसार कांग्रेस-एमालेको सरकार बनेको जिकिर गरे ।