२२ पुस, काठमाडौं । महिलाले प्रयोग गर्ने सेनिटरी प्याडमा लुकाएर ल्याइएको सुन लुटपाट गर्ने तीनजनालाई प्रहरीले पक्राउ गरेको छ ।

पक्राउ पर्नेमा नुवाकोटको पञ्चकन्या गाउँपालिका–१ का २६ वर्षीय सुजन नेपाली, सिन्धुपाल्चोकको चौतारा साँगाचोकगढी नगरपालिका–३ की ३२ वर्षीया मिनसाङ लामा तामाङ र काभ्रेको तेमाल गाउँपालिका–१ का २२ वर्षीया लालबहादुर तामाङ छन्।

यही पुस १४ गते दुबईबाट नेपाल आएकी एक महिलाले प्याडभित्र लेपन बनाएर सुन तस्करी गरेकी थिइन् । उक्त सुन सम्बन्धित ठाउँमा नपुगी लुटिएको थियो ।

सोही सुन लुटपाटमा संलग्न तीनजनालाई उपत्यका अपराध अनुसन्धान कार्यालयको टोलीले गएको शुक्रबार पक्राउ गरेको हो ।करिब आधा किलो लेपन लगाइएको सुन प्रहरीले बराबद गरको छ ।