२२ पुस, काठमाडौं । जनकपुर र पर्सामा जारी जय ट्रफी एलिट कप क्रिकेटमा मधेश प्रदेशका मयन यादवले शतक बनाएका छन् ।

बागमती प्रदेशविरुद्धको दोस्रो इनिंगमा मयनले १०६ रनको शतकीय पारी खेलेका हुन् । मयनले १०८ बल खेल्दै १२ चौका र २ छक्का प्रहार गर्दै १०६ रन बनाएर आउट भएका हुन् ।

यसअघि मधेश प्रदेशले पहिलो इनिंगमा १०२ रन बनाएको थियो भने बागमती प्रदेशले पहिलो इनिंगमा १५० रन बनाएको थियो ।

गत वर्ष भएको प्रधानमन्त्री कप एकदिवसीय क्रिकेटमा शीर्ष चारमा रहेका टिमहरु सहभागी हुने जय ट्रफी मेन्स एलिट कप क्रिकेट हिजोदेखि जारी छ ।