२३ पुस, काठमाडौं । एकाबिहानै भूकम्पको धक्का गएपछि प्रधानमन्त्री केपी शर्मा ओलीले सतर्क रहन आग्रह गरेका छन् ।

प्रधानमन्त्रीले मंगलबार आफ्नो फेसबुकमार्फत लेखेका छन् ‘शुभप्रभात १ हिजोआज विभिन्न भागमा ससाना भूकम्पका धक्का आइरहेका छन् । सबै सतर्क रहनु होला, सुरक्षित रहनु होला ।’

राष्ट्रिय भूकम्प मापन केन्द्रले मंगलबार बिहानको भूकम्प चीन केन्द्रबिन्दु भएर गएको जनाएको छ । भूकम्पको धक्का काठमाडौँलगायतअन्य जिल्लामा पनि महसुस भएको छ ।

बिहानै शक्तिशाली भूकम्पको धक्का गएपछि काठमाडौँबासी होहल्लासहित घरबाहिर निस्केका थिए ।