२३ पुस, काठमाडौं । कपिलवस्तु नगरपालिका नयाँटोलको मुख्य चोकमा रहेको स्ट्रिट लाइट बोर्ड ह्याक भएको छ ।

बोर्ड ह्याक गरी स्क्रिनमा ‘आई लभ यू ममता’ लेखिएको छ । नगरपालिकाका प्रमुख सुदीप पौडेलले अनधिकृत पहुँच पाएर कसैले त्यस्तो लेखेको बताए ।

यस घटनासँगै सामाजिक सञ्जालमा बोर्डको फोटो मिमका रूपमा फैलिरहेको छ । पछिल्लो समय सूचना बोर्ड ह्याक गरी अश्लील शब्दहरू लेख्ने घटना समेत भएका छन् ।