२३ पौष, काठमाडौं । उपप्रधान एवम् शहरीविकासमन्त्री प्रकाशमान सिंहले कलाकारहरुले आफ्नो कलाकारितामार्फत नेपाललाई विश्वभर चिनाइरहेको बताएका छन् ।

आज काठमाडौंमा नेपाल व्यवसायिक कलाकार संघको ३० औं स्थापना दिवस तथा राष्ट्रिय विभूति अरनीको स्मृति दिवसका अवसरमा आयोजित कार्यक्रमलाई सम्बोधन गर्दै उनले यस्तो बताएका हुन् । उनले कलाकारलाई सम्मान गर्नु राज्यको दायित्व भएको पनि बताए । कलाकारिता क्षेत्रमा भावी पुस्ताले भविष्य सुनिश्चित देख्नेगरी काम गर्न जरुरी रहेको उनको जोड छ ।