२३ पुस, काठमाडौं । नेपाली कांग्रेसका सभापति शेरबहादुर देउवा र राष्ट्रिय प्रजातन्त्र पार्टीका अध्यक्ष राजेन्द्र लिङ्देनबीच भेटवार्ता भएको छ ।

सभापति देउवलाई भेट्न राप्रपा अध्यक्ष लिङ्देन मंगलबार दिउँसो देउवा निवास बूढानीलकण्ठ पुगेका हुन् । 

लिङ्देन मङ्गलबार दिउँसो बूढानीलकण्ठ पुगेको राप्रपा प्रवक्ता मोहन श्रेष्ठले जानकारी दिएका छन् ।

उनले भने- 'नेपाली कांग्रेसका सभापति, पूर्व प्रधानमन्त्री शेरबहादुर देउवा र राप्रपा अध्यक्ष, पूर्व उपप्रधानमन्त्री राजेन्द्र लिङ्देनबीच आज अपरान्ह भेटवार्ता भएको छ ।'

कांग्रेस-एमाले गठबन्धनको सरकार बारे अनेकौं चर्चा चलिरहेका बेला लिङदेन र देउवाको भेटलाई अर्थपूर्ण रुपमा हेरिएको छ ।