२४ पुस, काठमाडौं । दक्षिण भारतका चर्चित अभिनेता अजित कुमार दुर्घटनामा परेका छन् ।

दुबईमा हालै आगामी रेसिङ च्याम्पियनसिपको अभ्यासको क्रममा उनी कार दुर्घटनामा परेका हुन् । अभिनेताको पोर्श ९९२ कारमा धेरै क्षति पुगेको छ । तर, यो दुर्घटनामा अजितलाई भने कतै चोट नआएको बताइएको छ ।

अजित तमिल फिल्म उद्योगका चर्चित अभिनेता हुन् । उनी अनुभवी रेसर पनि हुन् । उनी अहिले दुबईमा हुन लागेको च्याम्पियनसिपको तयारीमा छन् । उनले जनवरी १२ र १३ मा हुन लागेको ‘२४ एच दुबई २०२५ रेस’मा भाग लिँदै छन् ।