२४ पौष, काठमाडौं । मदन भण्डारी गोल्डकप इन्डो-नेपाल रनिङ शिल्ड पुरुष भलिबल च्याम्पियनसिपको फाइनलमा विभागीय टोली नेपाल पुलिस क्लब र त्रिभुवन आर्मी क्लब भिड्दैछन् ।

बुटवलमा जारी च्याम्पियनसिपको पहिलो सेमिफाइनलमा पुलिस र दोस्रो सेमिफाइनलमा आर्मीले जित निकाल्दै फाइनलमा एकअर्कासँग भेट पक्का गरेका हुन । आज आर्मीले सेमिफाइनलमा मणिमुकुन्द भलिबल क्लबलाई २५-१८, २५-१३ र २५-१९ को सोझो सेटमा पराजित गरेको थियो । पहिलो सेमिफाइनलमा पुलिसले भारतको गुजरात प्रदेश भलिबल एसोसियसनलाई हराउँदै फाइनलमा पुगेको थियो । पुलिसले २५-२७, २५-१४, २५-२१ र २७-२५ को जित निकालेको थियो । आज नै गुजरात र मणिमुकुन्दबीच तेस्रो स्थानको खेल हुनेछ ।