२४ पुस, काठमाडौं । जारी जय ट्रफी अन्तर्गत आजको खेल सकिएको छ ।

आजको खेलमा नेपाल पुलिस क्लबले पहिलो दिन मधेश प्रदेशविरुद्ध ४५ रनको अग्रता लिएको छ । खेल सकिदासम्म कुशल भुर्तेलको अर्धशतकको मद्धतले पुलिसले ३ विकेट गुमाएर १७४ रन बनाएको छ ।

लामो समयदेखि फर्ममा नरहेका राष्टिय टिमका ओपनर कुशल भुर्तेलले ६३ रन बनाएर आउट भएका थिए । त्यस्तै पुलिसका लागि दिलिप नाथले ४०, अमित श्रेष्ठले ३४ र आरिफ सेखले १३ रन बनाएर खेलिरहेका छन् ।

यस अघि पहिला ब्याटिंग गरेको मधेश प्रदेशले मयन यादवको ५९ रनको मद्धतले १२९ रन बनाएर अल आउट भएको थियो । मधेश प्रदेशको ब्याटिंग लाइन ध्वस्त गर्न गुलशन झाले ५ विकेट लिएका थिए ।

त्यस्तै जारी अर्को खेलमा त्रिभुवन आर्मीसँग बागमती प्रदेश १५२ रनले पछाडी रहेको छ । आजको खेल सकिदा बागमतीले ५ विकेट गुमाएर १२४ रन बनाएको छ । यस अघि पहिला ब्याटिंग गरेको त्रिभुवन आर्मीले ६० ओभरमा ५ विकेट गुमाएर २७६ रन बनाएको थियो ।