२५ पुस, काठमाडौं ।  क्यानडामा सडक दुर्घटनामा परी एक नेपाली युवकको मृत्यु भएको छ। मृत्यु हुनेमा खोटाङ घर भएका युनेश गिरी रहेका छन् ।

क्यानडाको समय अनुसार मंगलबार राती साढे १० बजे क्युबेक सिटीमा उनको मृत्यु भएको हो।घुम्न जाने क्रममा क्युबेक सिटीको सडकमा गाडी रोकेर बस्दै गर्दा अर्को गाडीले उनलाई ठक्कर दिएको थियो।

गाडीको ठक्करबाट घाइते भएका ती युवाको घटनास्थलमै मृत्यु भएको स्रोतले जनाएको छ । युनेश क्यानडाको ब्राम्टनमा बस्दै आएका थिए । अध्ययनका लागि युनेश सन् २०२२ को जनवरी ११ मा क्यानडा पुगेका थिए।