२५ पौष, काठमाडौं । इजरायली हवाई आक्रमणमा दुई बालबालिकासहित तीन प्यालेस्टिनीको ज्यान गएको छ ।

इजरायली ड्रोनले शहरका युवाहरूको समूहमा बम विस्फोट हुँदा तीन जनाको मृत्यु भएको प्यालेस्टिनी सुरक्षा स्रोतहरूले जानकारी दिएको छ । इजरायली वायु सेनाको विमानले तामौन क्षेत्रमा एउटा समूहलाई लक्षित गरेको इजरायली सेनाले बताएको छ । यो २४ घण्टाभित्र शहरमा दोस्रो हवाई आक्रमण हो । प्यालेस्टिनी स्वास्थ्य मन्त्रालयका अनुसार, अक्टोबर ७, २०२३ देखि वेस्ट बैंकका शहर, गाउँ र शिविरहरूमा तनाव बढ्दै गएको छ । जसको परिणामस्वरूप इजरायली गोलीबारी र गोलाबारीबाट ८ सय भन्दा बढी प्यालेस्टिनीहरूको मृत्यु भएको छ ।