२५ पौष, काठमाडौं । नेपाल समाजवादी पार्टीका संयोजक डा.बाबुराम भट्टराईले माओवादी केन्द्रका अध्यक्ष पुष्पकमल दाहाल प्रचण्ड सदा झैं कुटील र छद्म भएको टिप्पणी गरेका छन् ।

आज सामाजिक सञ्जालमा लेख्दै उनले खासगरी नेपालको जटिल भूराजनीति र शक्तिकेन्द्रहरूको चलखेलको सन्दर्भमा र क्रान्तिकारी लफ्फाजीको प्रयोगमा प्रचण्ड कुटील र छद्म भएको बताएका हुन् । उनले यसमा नेकपा एमालेका अध्यक्ष केपी शर्मा ओली अलि बढी खुला र प्रष्ट भएको बताए ।