२५ पुस, काठमाडौं । काभ्रेको नमोबुद्ध नगरपालिका-२ सिमलचौरस्थित वीपी राजमार्गमा यात्रुबाहक टाटा सुमोमाथि तोडफोड भएको छ ।

बुधबार साँझ ६ बजेतिर भोजपुरबाट काठमाडौं आउँदै गरेको ना १ ख ६१७२ नम्बरको यात्रुबाहक सुमोमाथि तोडफोड भएको हो। काठमाडौं आउँदै गरेको उक्त सुमोलाई बनेपाबाट मंगलबारतर्फ जाँदै गरेका दुई वटा कारमा सवार युवाहरुले तोडफोड गरेका हुन् ।

यात्रु भित्रै रहेको अवस्थामा बाहिरबाट आक्रमण गर्दै सुमोको सिसा समेत फुटाइएको थियो । तोडफोडमा संलग्न आरोपमा ११ जना पक्राउ परेका छन् । आफूलाई साइड नदिएकाले तोडफोड गरेको ती युवाहरुले बताएको प्रहरीले जनाएको छ ।