२५ पौष, काठमाडौं । जय ट्रफी एलिट कप क्रिकेटमा त्रिभुवन आर्मी क्लब र बागमती प्रदेशबीचको खेल बराबरीमा सकिएको छ ।

जनकपुरस्थित रामजानकी मल्टिपर्पस स्टेडियममा भएको खेल ड्र भएको हो । दोस्रो इनिङ्समा २०४ रनको लक्ष्य पछ्याएको बागमतीले २८.४ ओभरमा ५ विकेटको क्षतिमा ८० रन बनाउन सक्यो । यसअघि आर्मीले दोस्रो इनिङ्समा २५।३ ओभरमा ८ विकेटको क्षतिमा १२७ रन बनाउँदा इनिङ्स डिक्लेर गरेसँगै बागमतीले २०४ रनको लक्ष्य पाएको थियो ।