२६ पुस, काठमाडौं । काठमाडौंमा बिहानपख चिसो केही बढेको छ ।

केही दिनअघि बिहानको समयमा काठमाडौंका आकाश बादलले ढाक्दा चिसो कम महशुस भएपनि बिहीबारदेखि काठमाडौंका आकाश खुल्न थालेका छन् । आज पनि काठमाडौंका आकाश केही खुल्ला रहँदा तुलनात्मक रूपमा बढी चिसो महशुस भएको छ।

आज बिहान ६ बजेको मापन अनुसार काठमाडौंको न्यूनतम तापक्रम ४.६ डिग्री सेल्सियस रहेको छ। बिहीबार ४.५ डिग्री सेल्सियस मापन भएको थियो । आज काठमाडौंको अधिकतम तापक्रम १७ देखि १९ डिग्री सेल्सियसकाबीच रहनेछ ।