२६ पुस, काठमाडौं ।  धनकुटाको पाख्रिबासमा पिकअप भ्यान दुर्घटना भएको छ ।

पाख्रिबास नगरपालिका-३ स्थित पाख्रिबास-हिले सडकखण्डको जौटारमा गय राति ९ बजे १ ज २६३९ नम्बरको पिकअप भ्यान दुर्घटना भएको हो । तीन वटा सुँगुर लिएर पाख्रिबासबाट हिलेतर्फ जाँदै गर्दा पिकअप सडकबाट करिब १५० मिटर तल खस्दा चालक पाख्रिबास-९ उत्तरपानीका ३९ वर्षीय शुक्रबहादुर तामाङ र सहचालक सिरहाको लहान-५ का २४ वर्षीय प्रमोद मल्लिकको मृत्यु भएको  जिल्ला प्रहरी कार्यालय धनकुटाले जनाएको छ ।

सहचालक मल्लिकको दुर्घटनास्थलमै मृत्यु भएको थियो भने चालक तामाङलाई जिल्ला अस्पताल र्पुयाउन साथ चिकित्सकले मृत घोषणा गरेका थिए । सुँगुर जीवितै छन् ।