२७ पुस, काठमाडौं । पाकिस्तान सुपर लिग (पीएसएल) को ड्राफ्टमा नेपाली क्रिकेट सन्दीप लामिछाने थपिएका छन् ।

यसअघि ६ खेलाडी समेटिएकोमा शुक्रबार सन्दीपको नाम थपिएको हो । सन्दीप विदेशी खेलाडी अन्तर्गत डाइमण्ड क्याटेगोरीमा परेका छन् । उनले यसअघि २०७५ सालमा लाहोर क्वालन्डर्सबाट पीएसएल खेलेका थिए ।

यसअघि विकेट किपर ब्याटरद्वय आसिफ शेख र अर्जुन साउद, टप अर्डर ब्याटर देव खनाल तथा अलराउन्डरहरु दीपेन्द्रसिंह ऐरी, गुल्शन झा र सोमपाल कामी सिल्भर क्याटेगोरीमा परेका थिए ।

ड्राफ्टमा रहेका खेलाडीहरुमध्येबाट फ्रेन्चाइज टिमहरुले खरिद गर्न सक्नेछन् । खेलाडी छनोट जनवरी १३ तोकिएको छ ।