२७ पौष, काठमाडौं । मकवानपुरको मनहरीमा स्कारपियो र कार ठोक्किँदा ८ जना घाइते भएका छन । 

मनहरी गाउँपालिका-६ डिपार्टस्थित पूर्व पश्चिम सडक खण्डमा आज दिउँसो १ बजे स्कारपियो र कार एक आपसमा ठोक्किएका थिए । वीरगन्जबाट चितवनतर्फ जाँदै गरेको बागमती प्रदेश ०१-०२६ च ५२५० नम्बरको स्कारपियो र चितवनबाट हेटौँडातर्फ आउँदै गरेको बा १६ च ८३२४ नम्बरको कार एक आपसमा ठोक्किँदा दुर्घटना भएको जिल्ला प्रहरी कार्यालय मकवानपुरले जानकारी दिएको छ ।

दुर्घटनामा घाइते भएका ८ जना सबैको अवस्था गम्भीर रहेकोले उपचारको लागि चितवनतर्फ पठाइएको छ ।