२७ पौष, काठमाडौं । राष्ट्रिय प्रजातन्त्र पार्टी, नेपालका अध्यक्ष कमल थापाले बलियो राष्ट्रवादी शक्ति निर्माण गर्ने प्रतिबद्धता व्यक्त गरेका छन् ।

आज पृथ्वीनारायण शाहको ३०३ औँ जन्मजयन्तीको अवसरमा आयोजित जलपान समारोहमा सञ्चारकर्मीहरूसँग कुरा गर्दै उनले यस्तो बताएका हुन । उनले राष्ट्रनिर्माताले राष्ट्रिय एकीकरण गर्नुका साथै राज्यका सञ्चालनको निम्ति आर्थिक, सामाजिक, कूटनीतिक विषयमा जुन महत्त्वपूर्ण मार्गदर्शन अहिले पनि सान्दर्भिक रहेको बताए । उनले नेपाली नाम र पहिचान दिएको भन्दै राष्ट्रनिर्माताप्रति कृतज्ञता व्यक्त गरे ।

साथै, अध्यक्ष थापाले विचार, सिद्धान्त मिल्नेसँग पार्टी एकता गर्ने पनि बताए ।